Hacıbaba Məmmədov Culfada anadan olub. Azərbaycan Dövlət İncəsənət İnstitutunda təhsil alıb (1989). Yuğ Teatrında (1989-2000), Pantomim Teatrında çalışıb. Uzun müddət teatrdan uzaqlaşıb. Bu müddətdə mebel sexində, “Qanun” nəşriyyatının mətbəəsində işləyib, fəhləlikdən mətbəə müdirinə qədər yüksəlib. Bakı Uşaq Teatrı ilə yenidən sənətə qayıdaraq burada aktyor və direktor müavini kimi çalışıb. Hazırda Akademik Milli Dram Teatrının baş inzibatçısıdır.